In die donker gang
Lara de Beer parkeer die ou Golfie, sukkel met die sleutels, die voordeur kraak oop, dis vuil en stowwerrig.
Oupagrootjie se
erfporsie aan haar, al meer as honderd jaar so toegesluit, “Wil ek dit regtig
hê? Nou hier in Kimberley se vuil agterbuurt kom bly?”
Tussen alles in die
vergeelde papiere geskryf in Hollands oor sy pa Diederik en sy oom Johannes wat
hier geboer het op Vooruitzicht en toe die bose Engelse al die De Beers van die
grond af gejaag het.
“Dis 2018, wat maak dit
tog saak?” dink Lara, “Hoe vervelig!”
Sy stap versigtig in die
gang af. In die donker gang is daar ʼn skildery van De Wet, Cronje en De la Rey.
Hul perde se oë lyk moeg want dis ʼn eindelose stryd …
“Wat nou?” wonder sy vir
die hoeveelste keer, sy vroetel met die sleutel by die kamer in die hoek soos
die testament haar beveel, die deur knars oop en net daar voor haar op die
vloer in die skemerlig glim dit, 'n hele skoenboks vol ... klein blou
glasagtige klippies …
Nawoord: Erkenning aan Christopher Torr. Die bose Engelse onteien ooms Diederik en Johannes De Beer in 1871 en vat hul plaas Vooruitzicht en noem dit Kimberley. De Beers word ons bekendste handelsmerk.
Toets
AntwoordVee uit